១៦ធ្នូ នឹងធ្វើសិក្ខាសាលាថ្នាក់ជាតិ សម្រាប់ស៊ីហ្គេមឆ្នាំ២០២៣
ភ្នំពេញ៖គណៈកម្មាធិការជាតិរៀបចំស៊ីហ្គេមឆ្នាំ២០២៣(Camsoc)នឹងធ្វើសិក្ខាសាលាមួយនៅថ្ងៃ ទី១៦ ខែធ្នូ ឆ្នាំ២០២០ដើម្បីជាការប្រកាសបើកយុទ្ធនាការអប់រំសង្គមទូទាំងប្រទេស រួមមានយុទ្ធនាការប្រជាជនម្នាក់លេងកីឡាមួយមុខយុទ្ធនាការកម្ពុជាស្អាតនិងបដិសណ្ឋារកិច្ចល្អនិងយុទ្ធនាការការយល់ដឹងពីបរិស្ថានសង្គមដូចជាបញ្ហាគ្រឿងញៀននិងគ្រោះថ្នាក់ចរាចរណ៍ជាដើម។
សិក្ខាសាលានេះធ្វើឡើងក្រោមការចង្អុលបង្ហាញពីសម្ដេចពិជ័យសេនាទៀ បាញ់ដែល
ជាប្រធាន Camsoc ។
សិក្ខាសាលាថ្នាក់ជាតិនេះ ធ្វើឡើង ដោយអនុវត្តតាមវិធានទប់ស្កាត់ជំងឺកូវីដ-១៩ដោយ មានអ្នកចូលរួមប្រមាណ២០០ ទៅ ៣០០នាក់ប៉ុណ្ណោះ ហើយអ្នកចូលរួម គឺជាគោលដៅមនុស្សគន្លឹះ ដែលរួមចំណែកជំរុញក្នុងការផ្សព្វផ្សាយនូវយុទ្ធនាការនានា រួមមានអាជ្ញាធរ ឬអភិបាលរាជធានី-ខេត្ត ទាំង២៥ សហព័ន្ធកីឡាជាតិ អង្គរការកីឡាជាតិ និងអន្ដរជាតិជាដើម។
លោកថោង ខុនអនុប្រធានអចិន្ត្រៃយ៍របស់Camsocធ្លាប់មានប្រសាសន៍ថាស៊ីហ្គេមនៅ
កម្ពុជានឹងក្លាយជាស៊ីហ្គេមដ៍ស្អាតស្អំមួយដែលមិនមែនជាឧិកាសដើម្បីចែករំលែកមេដាយ ឬ
ក៏ម្ចាស់ផ្ទះរៀបចំដើម្បីខ្លួនឯងប្រជែងបានមេដាយច្រើនជាងគេនោះឡើយ ។
ការប្រជែងយកមេដាយគឺធ្វើយុត្តិធម៌ ស្អាតស្អំ (Fair-Play) ។កម្ពុជានឹងធ្វើជាគំរូនៃភាព
ស្អាតស្អំនេះ ដើម្បីឲ្យអ្នកដែលធ្វើជាម្ចាស់ផ្ទះស៊ីហ្គេមលើកក្រោយៗទៀតបង្កើតឧិកាសដោយ
យុត្តិធម៌ក្នុងការប្រជែងយកមេដាយ ៕