ក្រុមរន្ទះជើងពិឃាត ប៉ះគ្នាលើទីលានប្រជែងជើងឯក នៃការប្រកួតកីឡាសីដក់ ជើងឯកថ្នាក់ជាតិ
ភ្នំពេញ៖ការប្រកួតកីឡាសីដក់ជ្រើសរើសជើងឯកថ្នាក់ជាតិ ប្រចាំឆ្នាំ២០២០ បានចាប់ផ្តើមដំណើរការការប្រកួតជាផ្លូវការហើយ នាថ្ងៃទី៨ខែមករាឆ្នាំ២០២១ នៅវិមានពហុកីឡដ្ឋានជាតិអូឡាំពិក ដែលរៀបចំសហព័ន្ធកីឡាសីដក់និងឈិនឡូនកម្ពុជា មានការគាំទ្រថវិកាដោយក្រសួងអប់រំយុវជន និង កីឡា។
ការប្រកួតកីឡាសីដក់ជើងឯកថ្នាក់ជាតិនេះ សហព័ន្ធបានដាល់៣វិញ្ញាសា គឺវិញ្ញាសា ៣នាក់ ទល់ ៣នាក់បុរស, ២នាក់ ទល់ ២នាក់បុរស និងវិញ្ញាសានារី ២នាក់ ទល់ ២នាក់ដែលមានក្លិប និងសមាគមកីឡាសីដក់ចំនួន៥ចូលរួម គឺសមាគមកីឡាសីដក់ក្រសួងមហាផ្ទៃ សមាគមកីឡាសីដក់ក្រសួងការពារជាតិ សមាគមកីឡាសីដក់មជ្ឈមណ្ឌលខ.ភ.ម សមាគមកីឡាសីដក់យុវខេមរា និងសមាគមកីឡាសីដក់ដេអិន។
សម្រាប់វិញ្ញាសា ៣នាក់ ទល់ ៣នាក់បុរសមាន៥ក្រុម វិញ្ញាសា២នាក់ ទល់ ២នាក់បុរសក៏មាន៥ក្រុមដែរ ចំណែកវិញ្ញាសានារី ២នាក់ ទល់ ២នាក់វិញ មានចំនួន៦ក្រុម ដូច្នេះគណៈកម្មការប្រកួត សម្រាប់ចែកចេញជា២ពូល គឺពូល “ក”មានចំនួន៣ក្រុម និងពូល “ខ”មានចំនួន៣ក្រុមដូចគ្នា៕