ក្រសួងអប់រំ និងNOCC ប្រកាសទទួលសហព័ន្ធប្រដាល់ Kick-Boxing កម្ពុជាជាផ្លូវការ
ភ្នំពេញ៖ក្រសួងអប់រំយុវជននិងកីឡា និងគណៈកម្មាធិការជាតិអូឡាំពិកកម្ពុជា ប្រកាសទទួលគណៈកម្មាធិការប្រតិបត្តិសហព័ន្ធកីឡាប្រដាល់ឃីកបុកស៊ីងកម្ពុជាអាណត្តិទី១ ឆ្នាំ២០២០-២០២៤យោងតាមសេចក្តីប្រកាសរបស់ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជាដើម្បីត្រៀមចូលរួមការប្រកួតកីឡា SEA GAMES 2021 និង SEA GAMES 2023។
សម្រាប់អាណត្តិទី១ គណៈកម្មាធិការប្រតិបត្តិសហព័ន្ធកីឡាប្រដាល់ ឃីកបុកស៊ីងកម្ពុជា មានចំនួន៩រូប គឺលោក ហេង សុឃន ជាប្រធានសហព័ន្ធ លោក ម៉ិល កាដូ លោក ប៉ែន ស៊ីនេត អនុប្រធាន លោកស្រី កែ ច័ន្ទមុនីជា អគ្គលេខាធិការសហព័ន្ធ លោក ផែង វណ្ណៈ អគ្គលេខាធិការរង លោក តែម សុខវឌ្ឍនា អគ្គហេរញ្ញឹក លោក ម៉ន សុខុន លោក ស៊ិន ចាន់វិច្ឆិកា និងលោក ជ្រា សុភ័ក្ត្រជាសមាជិកប្រតិបត្តិធម្មតា ។
សូមបញ្ជាក់ថាកាលស៊ីហ្គេមលើកទី៣០ នៅប្រទេសហ្វីលីពីន គឺជាពេលដែលមានប្រដាល់ឃីកបុកស៊ីងដំបូង នៅស៊ីហ្គេមលោក
រាជសុផែន ដែលកាលនោះជាប្រធានប្រតិភូនោះ បែរជាមិនមានឈ្មោះក្នុងក្បាលម៉ាស៊ីន នៃសហព័ន្ធដែលទើបតែបង្កើតថ្មីនេះទៅវិញ ។
ប្រភេទកីឡាប្រដាល់ឃីកបុកស៊ីងនេះ គឺជាប្រភេទកីឡាមានប្រជាប្រិយភាពខ្លាំងគួរសម ដោយសារតែការប្រកួតកីឡា SEA GAMES 2017 និង២០១៩កន្លងមក ធ្លាប់ទទួលមេដាយសំរិទ្ធចំនួន៣គ្រឿង គឺកីឡាករឡៅចន្ទ្រាទម្ងន់៦៩គីឡូក្រាម កីឡាករសុខ សាវិនទម្ងន់៦០គីឡូក្រាម និង កីឡាករខេម ចាន់ទម្ងន់៥៤គីឡូក្រាម ។
ចំពោះការប្រកួតកីឡាSEA GAMES 2021 នៅប្រទេសវៀតណាមនិងSEA GAMES 2023ដែលកម្ពុជាធ្វើម្ចាស់ផ្ទះក៏សង្ឃឹមទទួលបាន មេដាយជាច្រើន និង មេដាយខ្ពស់ៗជាងនេះទៅចុះ៕