សហព័ន្ធកីឡាវាយកូនឃ្លីលើតុ កម្ពុជាទទួលបានគម្រោងចំនួន៣ ពីសហព័ន្ធអាស៊ី
ភ្នំពេញ៖សហព័ន្ធកីឡាវាយកូនឃ្លីលើតុកម្ពុជាបានទទួលគម្រោងចំនួន៣ ពីសហព័ន្ធកីឡាវាយកូនឃ្លីលើតុទ្វីបអាស៊ី។នេះបើតាមការអះអាងពីលោកស៊ុន សុទ្ធារិទ្ធដែលជាអគ្គលេខាធិការសហព័ន្ធវាយកូនឃ្លីលើតុកម្ពុជា ។
គម្រោងទី១លោកបានទទួលតុចំនួន១៦ដែលក្នុងនោះ មានតុចំនួន៨ជាតុសម្រាប់បម្រើការហ្វឹកហាត់និងតុចំនួន៨ទៀតជាតុសម្រាប់ការប្រកួតជាផ្លូវការទាំកម្រិតជាតិ និង អន្តរជាតិ ។ក្នុងគម្រោងទី១នេះដែរសហព័ន្ធអាស៊ីបានផ្ដល់ឲ្យកម្ពុជា នូវគ្រាប់បាល់សម្រាប់ប្រកួតចំនួន៤០០គ្រាប់ រ៉ាក់កែតចំនួន៥០រនាំងសម្រាប់ឃាំងជុំវិញ កន្លែងប្រកួតចំនួន៥០ផ្ទាំង តារាងសម្រាប់ដាក់ពិន្ទុចំនួន៨ និង តុសម្រាប់អាជ្ញាកណ្ដាលចំនួន៨ដែរ ។
សម្រាប់គម្រោងទី២គឺនៅខែមីនាឆ្នាំនេះនឹងជួយឲ្យកីឡាករកីឡាការិនីថ្នាលកម្ពុជា បោះជម្រំដើម្បីហ្វឹកហាត់តែលោកនៅមិនទាន់ដឹងថាគម្រោងទី២នេះនឹងធ្វើនៅកន្លែងណានៅឡើយទេ។ ចំពោះគម្រោងទី៣វិញគេមិនទាន់បង្ហើបប្រាប់ដល់រូបលោកនៅឡើយទេ។តែគេប្រាប់លោកថា សហព័ន្ធទ្វីបអាស៊ីនឹង
ផ្ដល់ជូនកម្ពុជានូវគម្រោងចំនួន៣ ដល់សហព័ន្ធកីឡាវាយកូនបាល់កម្ពុជា ៕
