អភិបាលខណ្ឌកំបូល ចុះផ្សព្វផ្សាយ ស្ដីពីការងារអនុវត្តន៍ គោលនយោបាយភូមិ-ឃុំ-សង្កាត់ មានសុវត្ថិភាព

ភ្នំពេញ៖នៅល្ងាចថ្ងៃទី១៦ ខែមីនា ឆ្នាំ២០២២ លោក ឃឹម ស៊ុនសូដា អភិបាលខណ្ឌកំបូល និងជាប្រធានគណៈបញ្ជាការ ឯកភាពរដ្ឋបាលខណ្ឌ បានអញ្ជេីញជាអធិបតីភាពក្នុង “ពិធីសំណេះសំណាល និងផ្សព្វផ្សាយ ស្ដីពីការងារអនុវត្តន៍គោលនយោបាយភូមិ-ឃុំ-សង្កាត់ មានសុវត្ថិភាព” ដោយមានការអញ្ជេីញ ចូលរួមពីលោក-លោកស្រី អភិបាលរងខណ្ឌ លោកអធិការនគរបាលខណ្ឌ លោកមេបញ្ជាការកងរាជអាវុធហត្ថ លោកនាយក-នាយករង លោកអធិការរង លោកប្រធានការិយាល័យទាំង៧ ព្រមទាំងប្រជាពលរដ្ឋចំនួន ២០០ នាក់ដែលរស់នៅក្នុងបុរីពិភពថ្មីកំបូល ១ មានទីតាំងស្ថិតនៅភូមិស្ងួនពេជ្រ និងភូមិត្រពាំងគល់ សង្កាត់កន្ទោក ខណ្ឌកំបូល រាជធានីភ្នំពេញ ៕