សមត្ថកិច្ចចាប់ខ្លួនជនសង្ស័យ០៦ នាក់ ធ្វើសកម្មភាពបាញ់សម្លាប់ជនរងគ្រោះ
បាត់ដំបង ៖ មុខសញ្ញាជាជនសង័្សយ ក្នុងករណីឃាតកម្មនៅស្រុកថ្មគោល ចំនួន០៦នាក់ ត្រូវបានសមត្ថកិច្ចនគរ បាលខេត្តបាត់ដំបងសហការជាមួយសមត្ថកិច្ចកងរាជអាវុធហត្ថខេត្តបាត់ដំបង ឃាត់ខ្លួនអនុវត្តតាមច្បាប់។
នៅថ្ងៃទី១១ខែមេសា ឆ្នាំ ២០២៣ វេលាម៉ោង ១១ និង០៦ នាទីនៅចំណុច ភូមិអង់ សង្កាត់អូរចារ ក្រុងបាត់ដំបង ខេត្តបាត់ដំបងអនុវត្តតាមការណែនាំបញ្ជាផ្ទាល់ពីលោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោ ក ឧត្តមសេនីយ៍ត្រី លឹម ពុទ្ធីឡា ស្នងការរង ផែនការ ងារនគរបាលព្រហ្មទណ្ឌ លោកវរសេនីយ៍ឯកឈឿង គឹមសុង ស្នងការរង ដឹកនាំការិយាល័យនគរបាលព្រហ្មទណ្ឌកម្រិតស្រាលនិង ដោយមានការសម្របសម្រួលលើនីតិវិធីពីឯកឧត្ដម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង ផង នោះកម្លាំងក្រុមអន្តរាគមន៍ បង្ការបង្ក្រាប សហការជាមួយកម្លាំងការិយាល័យនគរបាលព្រហ្មទណ្ឌកម្រិត ធ្ងន់នៃស្នងការដ្ឋានកម្លាំងអធិការដ្ឋាននគរបាលក្រុងបាត់ដំបង កម្លាំងអធិការដ្ឋាននគរបាលស្រុកសង្កែ កម្លាំងអធិការដ្ឋាននគរបាលស្រុកភ្នំព្រឹក កម្លាំងអធិការដ្ឋាននគរបាលស្រុកថ្មគោល កម្លាំងអធិការដ្ឋាននគរបាលស្រុកបវេល កម្លាំងកងរាជអាវុធហត្ថខេត្តបាត់ដំបង ចុះប្រតិបត្តិការ បង្ក្រាបករណី ឃាតកម្ម ( ប្រើប្រាស់កាំភ្លើងខ្លីបាញ់សម្លាប់ )០១ករណីនិងបានធ្វើការនាំខ្លួនជនសង្ស័យ ចំ នួ ន០៦ នាក់មកកាន់ ស្នងការដ្ឋានដើម្បីធ្វើការសាកសួរស្រាវជ្រាវ។
សូមជម្រាបជូនថា កាលពីថ្ងៃទី០៩ ខែ មេសា ឆ្នាំ ២០ ២៣ វេលាម៉ោង ១២និង៣៥ នាទី នៅចំណុចក្រុមទី ៦១ ភូមិបឹងព្រីង ឃុំបឹងព្រីង ស្រុកថ្មគោល ខេត្តបាត់ដំបង ជនសង្ស័យទាំង០៦ នាក់ខាងលើ បានចូលរួមធ្វើសកម្មភាពបាញ់សម្លាប់ជនរងគ្រោះ ឈ្មោះ រឿង ប៉ូឡូ ភេទប្រុស អាយុ ២៨ ឆ្នាំ មានទីលំនៅភូមិបឹងព្រីង ឃុំបឹងព្រីង ស្រុកថ្មគោល ខេត្តបាត់ដំបង បណ្តាលឱ្យរងរបួសធ្ងន់០១គ្រាប់ ត្រូវត្រង់ទ្រូងខាងឆ្វេង(ស្លាប់ពេលបញ្ជូនទៅដល់មន្ទីរពេទ្យ)ដែលករណីនេះផ្តើមឡើងដោយសារទំនាស់ពាក្យសំដី ។
វត្ថុតាងដកហូតរួមមាន៖ - អាវុធខ្លី០១ដើម - ម៉ូតូចំនួន០៥គ្រឿង
បច្ចុប្បន្នការិយាល័យនគរបាលព្រហ្មទណ្ឌកម្រិតធ្ងន់ កំពុងធ្វើការកសាងសំណុំរឿង ដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ច្បាប់៕
