ស្ងាត់ៗស្មានតែនគរបាលយើងភ្លេចខ្លួន ទើបហ៊ានលួចឆ្លងដែនមកលក់ សន្លឹកឆ្នោតជាតិវៀតណាត ដោយខុសច្បាប់ លើទឹកដីស្រុកមេមត់ ខេត្តត្បូងឃ្មុំ

នៅថ្ងៃទី ៣០ ខែ សីហា ឆ្នាំ ២០១៨ វេលាម៉ោង ៩ : ១៥ នាទី កម្លាំងជំនាញផែនគ្រប់គ្រងជនបរទេស និងជំនាញផែនយុត្តិធម៍ នៃអធិការដ្ឋាននគរបាលស្រុកមេមត់ បានឃាត់ខ្លួនជនជាតិវៀតណាមម្នាក់ នៅចំណុចផ្សារមេមត់ ស្ថិតនៅភូមិមេមត់ផ្សារ ឃុំមេមត់ ស្រុកមេមត់ ខេត្តត្បូងឃ្មុំ មានឈ្មោះ ង្វៀង តឹងអ៊ុក ភេទប្រុស អាយុ ៣៤ ឆ្នាំ ជនជាតិវៀតណាម រស់នៅភូមិតឹង ឃុំតិនហឹង ស្រុកតាំងចូវ ខេត្តតៃនិញ ( ប្រទេសវៀតណាម ) ដែលលួចចូលតាមច្រករបៀង ភូមិដូង ឃុំរូង ស្រុកមេមត់ ខេត្តត្បូងឃ្មុំ មកលក់ឆ្នោតសន្លឹកជាតិវៀតណាម នៅចំណុចខាងលើ បញ្ចូនមកកាន់អធិការដ្ឋាននគរបាលស្រុកមេមត់ ដើម្បីធ្វើការសាកសួរចាត់ការបន្ត ។

ករណីឃាត់ខ្លួនជនជាតិវៀតណាមដើរលក់សន្លឹកឆ្នោត របស់ជាតិប្រទេស វៀតណាមនោះ លោកអធិការនគរបាលស្រុកមេមត់ បានធ្វើការឆ្លងយោបល់ ទៅលោកឧត្តមសេនីយ៍ទោ បែន រ័ត្ន ស្នងការនគរបាលខេត្តត្បូងឃ្មុំ ដើម្បីមានវិធានការបន្ត ។ យោងតាមប្រសាសន៍ណែនាំ របស់លោកឧត្តមសេនីយ៍ស្នងនគរបាលខេត្តត្បូងឃ្មុំ ជំនាញយើងបានធ្វើការអប់រំ និងចុះកិច្ចសន្យា ឈប់ឲ្យចូលមកលក់ឆ្នោតនៅក្នុងទឹកដីកម្ពុជាបន្តទៀត ហើយក៏បញ្ចូនជនជាតិវៀតណាមខាងលើ ព្រមទាំងសន្លឹកឆ្នោត និងម៉ូតូ ០១ គ្រឿង ឲ្យទៅសមត្ថកិច្ចវៀតណាម ចាត់ការតាមច្បាប់របស់ប្រទេសវៀតណាម តាមច្រករបៀងដ៏ដែល ៕