រដ្ឋបាលរាជធានីភ្នំពេញ ចេញលិខិតជូនពរសូមគោរពជូនសម្តេចមហារដ្ឋសភាធិការធិបតី ឃួន សូដារី ប្រធានរដ្ឋសភា នៃព្រះរាជាណាចក្រកម្ពុជា

ភ្នំពេញ ៖ នាឱកាសដ៏នក្ខត្តឫក្ស បកបដោយក្តីសោមនស្សរីករាយ អបអរសាទរបុណ្យចូលឆ្នាំថ្មី ប្រពៃណីជាតិ ឆ្នាំរោង ឆស័ក ពុទ្ធសករាជ ២៥៦៨ ដែលនឹងឈានចូលមកដល់នាពេលខាងមុខនេះ តាងនាមក្រុមប្រឹក្សា គណៈអភិបាល ថ្នាក់ដឹកនាំគ្រប់លំដាប់ថ្នាក់ មន្ត្រីរាជការ កងកម្លាំង ប្រជាពលរដ្ឋទាំងអស់ក្នុងរាជធានីភ្នំពេញ និងក្នុងនាមខ្ញុំបាទផ្ទាល់ យើងខ្ញុំទាំងអស់គ្នា សូមសម្តែងនូវអំណរសាទរ និងសូមចូលរួមជូននូវសព្ទសាធុការពរជ័យ គោរពជូនចំពោះ សម្តេច មហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ។
ជាការពិតណាស់ នាដើមនីតិកាលទី៧ នេះ សម្តេចមហារដ្ឋសភាធិការធិបតី បានដឹកនាំស្ថាប័នរដ្ឋសភា នៃព្រះ រាជាណាចក្រកម្ពុជា ប្រកបដោយភាពស្វាហាប់ និងបន្តសម្រេចបាននូវសមិទ្ធផលគួរឱ្យកោតស្ញប់ស្ញែង ដែលសមិទ្ធផល ទាំងនេះ បានរួមចំណែកយ៉ាងសំខាន់ដល់ការលើកកម្ពស់ស្ថាប័ននីតិប្បញ្ញត្តិ ធានាបាននូវសុខសន្តិភាព ស្ថិរភាពនយោបាយ ប្រក្រតីភាពសង្គម និងការអភិវឌ្ឍលើគ្រប់វិស័យ ស្របតាមគោលការណ៍លទ្ធិប្រជាធិបតេយ្យ និងនីតិរដ្ឋ នៅគ្រប់ដំណាក់កាលទាំងអស់។
ក្នុងឱកាសប្រកបដោយសិរីមង្គលថ្លៃថ្លានេះ យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា និងទេវតាឆ្នាំថ្មី ព្រះនាម “មហោទរាទេវី” សូមជួយប្រសិទ្ធពរជ័យបវរសួស្តី សិរីមង្គល វិបុលសុខ មហាប្រសើរគ្រប់ប្រការជូន សម្ដេចមហារដ្ឋសភាធិការធិបតី និងក្រុមគ្រួសារជាទីស្រឡាញ់ សូមបានសមប្រកបដោយពុទ្ធពរបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍កុំបី ឃ្លៀងឃ្លាតឡើយ។
សូម សម្តេចមហារដ្ឋសភាធិការធិបតី យួន សុដារី ប្រធានរដ្ឋសភា នៃព្រះរាជាណាចក្រកម្ពុជា មេត្ត ទទួលនូវការគោរពដ៍ខ្ពង់ខ្ពស់ពីយើងខ្ញុំទាំងអស់គ្នា៕