រថយន្តដឹកអ្នកដំណើរភ្នំពេញ-ហូជីមិញ បើកបុកសត្វគោងាប់២ក្បាល របួស១ក្បាល នៅកៀនស្វាយ
ភ្នំពេញ៖លោកព្រុំ សំណាង អធិការប៉ូលិសស្រុកកៀនស្វាយ បានឲ្យដឹងពីករណីគ្រោះថ្នាក់ចរាចរផ្លូវ គោករវាងរថយន្តបុកបើកបុកសត្វគោ បណ្តាលឲ្យគោងាប់០២ក្បាល របួស០១ក្បាល រថយន្តខូចខាតស្រាល០១គ្រឿង។
លោកអធិការប៉ូលិសស្រុកកៀនស្វាយ បន្តទៀតថា ករណីនេះ កើតឡើងនៅយប់ថ្ងៃទី ២៤ ខែកក្កដា ឆ្នាំ២០១៩នេះ វេលាម៉ោងជិត៧យប់នៅលើកំណាត់ផ្លូវជាតិលេខ១ ក្នុងចន្លោះគីឡូម៉ែត្រលេខ៣១-៣២ចំណុច ភូមិកណ្តាលក្រោ ឃុំបន្ទាយដែក ស្រុកកៀនស្វាយ ខេត្តកណ្តាល។
លោកអធិការបន្តទៀតថា នៅថ្ងៃខែឆ្នាំវេលាម៉ោងកើតហេតុខាងលើនេះ មានរថយន្តដឹកអ្នកដំណើរ១គ្រឿងម៉ាក (HYUNDAI AERO SPACE) ប្រភេទដឹកអ្នកដំណើរធុនធំ ពណ៌ខៀវ ពាក់ផ្លាកលេខ ភ្នំពេញ 3B 33 99បើកបរដោយឈ្មោះ ស្រី សោភា ភេទប្រុសអាយុ៣២ឆ្នាំ មានទីលំនៅភូមិនារាទេន ឃុំរឈើទាល ស្រុកស្វាយជ្រំ ខេត្តស្វាយរៀង បើកបរទិសដៅអ្នកលឿង.ភ្នំពេញ មកដល់ចំណុចកើតហេតុ ក៏បានបុកសត្វគោ៣ក្បាល ដែលកំពុងដឹកឆ្លងទទឹងថ្នល់ ពីលិចទៅកើតបណ្តាលឱ្យគោងាប់២ ក្បាល និងរបួស១ក្បាល។ អ្នកដឹកគោឈ្មោះ ជា ចិន្តា ភេទប្រុសអាយុ៤២ឆ្នាំ មានទីលំនៅភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល មិនមានរបួសទេ។ ចំណែករថយន្តខូចខាតនិងគោ២ក្បាល ត្រូវបានជំនាញចរាចរណ៍សណ្តាប់ធ្នាប់ស្រុកកៀនស្វាយ វាស់វែងយករករក្សាទុក ជាភស្តុតាងបន្តនីតិវិធី។
តាមការសន្និដ្ឋានៈករណីនេះ ដោយសារអ្នកបើករថយន្តម៉ាក HYUNDAI AERO SPACE បើកបរដោយឈ្មោះសុក ភា ភេទប្រុស ធ្វេសប្រហែស ខ្ជីខ្ជា មិនប្រុងប្រយ័ត្ន មិនមើលស្ថាភាពផ្លូវខាងមុខ ចំណែកឯអ្នកដឹកគោឈ្មោះ ជា ចិន្ដា ធ្វេសប្រហែស ខ្ជីខ្ជា មិនមើលឆ្វេងស្តាំមុននឹងឆ្លងថ្នល់៕
