បញ្ហា EBA បានក្លាយជាស្រមោលទៅហើយ
ភ្នំពេញ៖ សម្តេចតេជោ ហ៊ុន សែន បានបញ្ជាក់ប្រាប់មន្ត្រីជាថ្នាក់ដឹកនាំ ជាន់ខ្ពស់ របស់រាជរដ្ឋាភិបាលកម្ពុជាថា បញ្ហាអនុគ្រោះពន្ធ EBA
វាហាក់បានក្លាយទៅជាស្រមោលទៅហើយ។ អ្វីដែលជាទិសដៅសម្រាប់ពាណិជ្ជកម្មរបស់កម្ពុជា គឺកិច្ចសហការពាណិជ្ជកម្ម
ទ្វេភាគីជាមួយ ប្រជាជាតិ ដែលជាសមាជិកសហគមន៍អឺរ៉ុប។
បើតាមលោក ផៃ ស៊ីផាន បានបញ្ជាក់ថា សម្តេចតេជោ ហ៊ុន សែន បានលើកបង្ហាញ ពីលទ្ធផលមួយចំនួន នៃជំនួបជាមួយថ្នាក់ដឹកនាំប្រ
ទេសជាសមាជិកសហគមន៍អឺរ៉ុប (EU)។ ជាពិសេសជំហររបស់ថ្នាក់ដឹកនាំ ប្រទេសជាសមាជិកសហគមន៍អឺរ៉ុប គឺបានផ្តោតការយកចិត្តទុកដាក់ទៅលើកិច្ចសហប្រតិបត្តិការពាណិជ្ជកម្ម ដោយមិនបានចាប់អារម្មណ៍លើបញ្ហាផ្សេងនោះឡើយ។ “កិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ពីទិដ្ឋភាពនៃទស្សនកិច្ចនៅអឺរ៉ុប ដែលសម្ដេចតេជោ បានជួបជាមួយថ្នាក់ដឹកនាំប្រជាជាតិ EU
ហើយអ្វីដែលគេបានលើកនោះ គឺកិច្ចសហប្រតិបត្តិការពាណិជ្ជកម្មតែប៉ុណ្ណោះ។ រីឯបញ្ហា EBA បានក្លាយជាស្រមោលទៅហើយ។ កិច្ចសហការពាណិជ្ជកម្មទ្វេរភាគីរវាងកម្ពុជា និងប្រជាជាតិដែលជាសមាជិកEU គឺជាមូលដ្ឋានគ្រឹះ និងទិសដៅ នៃពាណិជ្ជកម្មកម្ពុជា”។
លោកផៃ ស៊ីផាន អ្នកនាំពាក្យរាជរដ្ឋាភិបាល បានថ្លែងបែបនេះ៕
